शहरी वातावरणात राहिल्यामुळे लहान मुले गाव संस्कृती, निसर्ग, मैदानी खेळ, व्यायाम, पारंपरिक उत्सव आणि मुख्यतः शरीराला जीवनसत्वे देणारी फळे तसेच भाज्या ह्यांचे महत्व विसरत जात आहेत. हे सर्व एकाच जागी त्यांना शिकायला मिळणार आहे. समर कॅम्पच्या माध्यमातून दोन रात्र तीन दिवसात त्यांना बरेच काही शिकावयास मिळणार आहे.

आमचा वाई येथील रिसोर्ट हा सह्याद्री पर्वत वैराट गडाच्या पायथ्याशी आहे की जिथे शुद्ध पिण्याच्या पाण्याचा झरा त्यासोबत त्यांना मोकळा श्वास घेण्यासाठी झाडांची गर्दी, निसर्ग म्हणजेच झाडे, आणि निरनिराळ्या प्रकारची शेती पाहण्याची संधी मिळणार आहे. देशी केळीची बाग आणि इतर फळ बागायती लागवड पाहता येईल. मोरासारखे पक्षी आणि गीर जातीच्या गाई, गोठा तसेच इतर पाळीव प्राण्यांसोबत फोटो काढता येतील. बैलगाडी मध्ये बसून फिरण्याची मजा आहेच. स्वतःचे गाव अनुभवता येईल. पोहण्याचा तलाव, Adventure Tower, आणि ह्या प्रवासात शेतात पिकेलेली भाजी आणि गावरान पद्धतीच्या जेवणावर त्यांना ताव मारायचा आहे.

पहिल्या दिवशी सकाळी रिसॉर्ट मधील शेतीची माहिती मुलांना देऊन, रोजच्या जेवणातील भाज्या आणि फळे ह्यातून मिळणारे महत्व त्यांना सांगणार आहोत. संध्याकाळी लुप्त होत चाललेले आपले मैदानी खेळ खेळून, रात्री आपले सण उत्सव त्याचे महत्त्व तसेच बालगीतांचा कार्यक्रम असेल.

दुसऱ्या दिवशी सकाळी वाईचा गणपती, ऐतिहासिक नाना फडणवीस वाडा स्थलदर्शन, नंतर रिसोर्ट मध्ये संध्याकाळ पर्यंत नियमित जीवनात उपयोगी येणारे व्यायाम, योग तसेच मुलांचे कलागुण वाढवणारे खेळ, रात्री धम्माल गेम्स आणि स्पर्धा आणि कॅम्प फायर..

तिसऱ्या दिवशी Mapro factory Visit आणि रिसोर्ट मध्ये जेवून मुंबई कडे प्रस्थान.